«Эшлекле кешеләр — ДЛ-16» һәм «Татар штабы» клубы дәүләт эшлеклесе, Социалистик Хезмәт герое Тәлгать Закир улы Хурамшинның (1932-2019) вафатына бер ел тулу уңаеннан үткәрелгән чарада катнашты. Чарада Башкортстан җәмәгатьчелеге вәкилләре, якташлар җәмгыяте әгъзалары, Т.З. Хурамшинның туганнары һәм якыннары катнашты.
https://www.youtube.com/watch?v=LNYbceikGrU#action=share
"Татар штабы" лидеры Рөстәм Ямалиев билгеләп үткәнчә, бүген "Татар штабы" Тәлгать Закир улы җитәкләгән геройлар клубын торгызган. Клубның төп эшчәнлеге үсеп килүче буын арасында патриотизм тәрбияләүгә юнәлдерелгән. Бу максаттан Мәскәү һәм Россиянең башка шәһәрләре мәктәпләрендә һәм уку йортларында очрашулар оештырыла. Хәзер "Татар штабы" каршындагы клуб Россия Геройларын һәм Россия Хезмәт Геройларын берләштерә.
https://www.youtube.com/watch?time_continue=3&v=ST_no2oay7g&feature=emb_...
Исегезгә төшерәбез, шушы көннәрдә ТАССРның 100 еллыгы уңаеннан «Татар штабы» офицерлар җыелышы утырышын уздырды. Чарада көч структуралары вәкилләре очрашты һәм атаклы сугышчылар: Якуб Чанышев, Петр Гаврилов, Газинур Гафиятуллин, Мәхмүт Гәрәев истәлекләрен искә алдылар. Бу геройларның исемнәре Татарстан һәм татар халкы белән тыгыз бәйләнгән.
https://www.youtube.com/watch?v=PTZYunO_xwQ&feature=emb_logo
