Тәтешле районының Иске Күрдем авылында Әнгам Атнабаевның 95 еллыгы уңаеннан "Күрдем чишмәләре" төбәкара поэзия фестивале үтте.
Анда 150гә якын шагыйрь, поэзия сөючеләр, җырчылар үзара көч сынашты. Сәхнәдән бу көнне Әнгам Атнабевның шигырьләре яңграды, шулай ук каләм тибрәтүчеләр дә үзара осталыкта көч сынашты. Быел фестивальдә яңа номинация - Әнгам Атнабаев сүзләренә язылган җырлар башкаручылар арасында да ярыш барды, аерым башкаручылар, фольклор төркемнәр, ансамбльләр сәхнәдән Атнабай сүзләренә язылган җырларны яңгыратты.

Башкортстан Республикасының Люция Вафина җитәкчелегендәге “Ак калфак” татар хатын-кызлары иҗтимагый оешмасының чираттагы күчмә утырышы Кырмыскалы районының Кабак авылында узды.

"Нур" театрының Кече залында Халыкара туган телләр көненә багышланган "Туган телем - бәхет теле" дигән исем астында күркәм чара узды.
Кунакларны бәйрәм тантанасы театр ишегеннән керүгә каршы алды. Фойеда милли көйләр, театр актерлары башкаруында татар шагыйрьләренең әсәрләре яңгырап торды. Татар телендә китаплар сатылды. Кайда да татар теле, аның моңы, матурлыгы тантана итте.

Казан шәһәрендә татар теле һәм әдәбияты буенча узган төбәкара олимпиадада безнең кызлар һәм егетләр югары нәтиҗәләр күрсәтте.
14-17 февральдә Казанда 8-11нче сыйныфлар арасында татар теле һәм әдәбияты буенча төбәкара олимпиада узды. Әлеге бәйгедә Русиянең 28 төбәгеннән туган тел серләрен яхшы белүче 187 укучы көч сынашты. Быел олимпиадада Әстерхан, Свердловск, Саратов, Түбән Новгород, Төмән, Ульяновск, Чиләбе, Омск, Ырынбур, Пенза, Самара, Новосибирск өлкәләре, Башкортстан, Марий Эл, Удмуртия, Чувашия, Карелия республикалары, Красноярск, Пермь краеннан укучылар катнашты.