Гөрләп узды китап туе!

Кушнаренко Мәдәният йортында, композитор, автор-башкаручы Резида Сабитованың «Йөрәк моңы» дип исемләнгән яңа җыр китабы презентациясе узды.
Бу көнне мәдәният учагына Уфа, Чакмагыш, Благовар, Бишбүләк, Бүздәк, Краснокама, Кушнаренко районнарыннан Резида Сабитованың җырларын башкаручылар һәм аның иҗатына гашыйк кешеләр җыелды.

Иң татлы тел — туган тел...

Башкалабызда узган татар теле һәм әдәбияты буенча республика олимпиадасында ел саен тирән белемле һәм сәләтле, ана телен яхшы белүче кызлар һәм малайлар катнаша.

Быел бәйгегә республиканың төрле районнарыннан һәм шәһәр­ләрен­нән 94 укучы килгән иде. Алар викторина сорауларына җавап бирде, татар мәктәпләреннән кил­гән укучылар өчен – текст өстендә эш, урыс мәктәпләре өчен диалог тәкъдим ителде, һәркайсы сәнгать­ле укуда сәләтен күрсәтте. Гомум нәтиҗә татар мәктәпләре һәм укыту урыс телендә алып барылган мәктәпләр буенча ясалды.

Кубызчылардан - осталык дәресе

Мәчетле районы Мәдәният йортында «Пушкин картасы» программасы буенча балаларны кубызда уйнарга өйрәтү буенча осталык дәресе узды. Чарада Русиянең атказанган, Башкортстанның халык артисты Рамил Гайзуллин һәм Башкортстанның халык артисты, Дөньяның виртуоз-кубызчысы, якташыбыз Миндигафур Зәйнетдинов катнашты.
Мастер-класс аудитория белән турыдан-туры аралашу һәм залдан сораулар алу форматында узды. Укучылар үзләрен кызыксындырган барлык сорауларга җаваплар алдылар.

Буыннар чылбыры өзелмәс!

Мифтахетдин Акмулла исемендәге Башкорт дәүләт педагогия университетының татар теле һәм әдәбияты кафедрасында үткән “Буыннар сабагы” фестиваль-конкур¬сы “Педагог һәм остаз елы”на багышланды.
Фестиваль-конкурста белем бирү системасының өч баскычыннан торган командалар катнаша: укытучы-остаз, белем бирү оешмасында – урта мәктәптә яки колледжда укучы, югары уку йортының татар бүлегендә белем алучы студент. Быел катнашучылар Бүздәк, Дүртөйле, Авыргазы, Миякә районнарыннан килгән иде.

Страницы

Подписка на ТАТАРЫ БАШКОРТОСТАНА RSS