Бу хакта мәдәният министры урынбасары Рәнис Алтынбаев Роберт Миңнуллинны соңгы юлга озату мәрасимендә әйткән иде. Бүген бу хакта Мәдәният министырлыгы сайтында да мәгълүмат басылды.
Роберт Мөгаллим улы Миңнуллин 1948 елның 1 августында Башкортстанның Илеш районындагы Нәҗәде авылында туа. Булачак шагыйрьнең балачагы, үсмер еллары Сөн буена урнашкан, Татарстанның Актаныш районына терәлеп торган Шәммәт авылында уза. Шунда башлангыч мәктәптә укый. Әнисенең соңгы көннәре дә Шәммәттә узган.

«Эшлекле кешеләр — ДЛ-16» һәм «Татар штабы» клубы дәүләт эшлеклесе, Социалистик Хезмәт герое Тәлгать Закир улы Хурамшинның (1932-2019) вафатына бер ел тулу уңаеннан үткәрелгән чарада катнашты. Чарада Башкортстан җәмәгатьчелеге вәкилләре, якташлар җәмгыяте әгъзалары, Т.З. Хурамшинның туганнары һәм якыннары катнашты.
https://www.youtube.com/watch?v=LNYbceikGrU#action=share

Башкортстан Республикасы башлыгы Радий Хәбиров быел Мәҗит Гафуриның 140 еллыгын бәйрәм итү турында указ чыгарды. Якын арада оештыру комитеты төзеләчәк, аның әгъзалары чаралар үткәрү һәм әзерләү планын булдырырга вазифаланган.

Башкорт һәм татар әдәбияты классигы исеме республикада Гафури районы, Уфа шәһәрендәге урам һәм парк исеме белән мәңгеләштерелгән, аның исеме Башкорт академия театрына бирелгән. Театр каршында әдәбиятчы һәм драматургка һәйкәл куелган. Сибайда М.Гафури исемендәге парк бар, аны тиздән төзекләндерергә планлаштыралар.

Хөрмәтле дуслар!
"Тукай моңнары 2020" Республика нәфис сүз осталары конкурс-фестивале катнашу өчен видеоматериаллар кабул итү эшен дәвам итә. Катнашу өчен ике номинация тәкъдим ителә:
«Тукай сүзе төрле телләрдә»
«Гамьле дөнья»
Конкурсантлар 10 марттан башлап 5 апрельга кадәр https://vk.com/club72384761 «Тукай моӊнары» / «Тукаевские напевы» сәхифәсендә видеоязмаларын урнаштыра ала. Ә барлык теләүчеләр укучыларның сәләтләрен күрсәтелгән төркемгә кереп карый алалар.