Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев Уфада татар иҗтимагый оешмаларының җитәкчеләре белән очрашу уздырды. Көнүзәк мәсьәлә итеп оешмаларның эш планы үтәлүе алынды һәм җитәкчеләрне борчыган сораулар каралды. Шулай ук Башкортстандагы вәкиллекнең җитәкчесе Альфред Дәүләтшин оешмаларның гомум эш планы белән таныштырды. Чарада Башкортстан Республикасы татарлары конгрессы башкарма комитеты рәисе Заһир Ахсан улы Хәкимовта актив катнашты.

Быел ТАССР оешуының 100 еллыгы билгеләнә. Әлеге чараны бәйрәм итү кысаларында Русия Федерациясенең федераль округ һәм регионнарында ТАССР төзелүнең 100 еллыгы флагы эстафетасы тантанасы уза. Эстафетада Улан-Удэ, Кострома, Владивосток, Находка кебек шәһәрләр катнашты.

6 март көнне “Ихлас” мәчетендә танылган рәссам-хаттат, Г.Тукай ис. Дәүләт премиясе иясе, Татарстан Республикасы Рәссамнар берлеге әгъзасы Нәҗип Нәккашның “Гарәби матур язу сәнгате” күргәзмәсенең тантаналы ачылышы узачак. Чара “Ихлас” мәчете һәм Бөтендөнья татар конгрессының Башкортстанда рәсми вәкиллеге белән берлектә оештырылган.
Кыскача белешмә: Нәҗип Нәккаш - Татарстан сәнгать дөньясында үзенчәлекле рәссам. Ул соңгы елларда онытылган сынлы сәнгатьнең борынгы төре — гарәп каллиграфиясен яңарта.
Чара 10.30да башлана.

Автоэкспертлар һәм җәмәгатьчеләр машиналарда татар телендәге юл күрсәткечне көтәләр һәм аны туган телне популярлаштыру өчен кулланырга тәкъдим итәләр. Россия автомобиль хуҗалары Федерациясендә Татарстанда танылган татар шоуменнарыннан ни өчен яңгыратмаска дигән сорау туа.