Туган тел! Һәркем өчен дә газиз сүз бу. Туган илебезнең, торган җиребезнең кадерле булуын да без иң элек туган тел аша тоябыз. Һәр халыкның туган теле – ул, иң элек, аның мәдәнияте, тарихи көзгесе.
21 нче февраль Халыкара туган тел көне дип игълан ителде. Шул уңайдан, халкыбызда туган телебезгә карата мәхәббәт, горурлык хисләре тәрбияләүне, телебезнең сафлыгы, матурлыгы, аһәңлеге өчен армый-талмый көрәшүне максат итеп, районнарда да төрле чаралар үткәрелә.

Игълан!

18 фераль Татарстан Республикасы Казан шәһәрендә II Халыкара «Җәлил укулары» әдәби бәйгесенең Гала-концерты узды. Конкурста җиңгән 70 ләп бала I, II, III дәрәҗә дипломнар белән бүләкләнде.
Алар арасында Башкортостан Республикасыннан Кушнаренко районы Илек урта мәктәбеннән 8 сыйныф укучысы - Гыйләҗева Азалия, укытучысы - Вәлиева Зөлфия Дагий кызы III дәрәҗәле дипломга лаек булды.

Бүген Казан шәһәрендә II Халыкара “Җәлил укулары” бәйгесенең финалы узачак. Герой-шагыйрьнең ижади мирасын популярлаштыруга үз өлешен керткән яшь талантлар «М.Җәлил шигырьләре татар телендә», «М.Җәлил шигырьләре рус телендә», «Яшь җәлилчеләр», «Җәлил турында», «М.Җәлил дөнья телләрендә» номинацияләрендә көч сынаштылар. Иң-иңнәре финалга узды.