«2021 нче ел- Татар милләте бердәмлеге елы» дип игълан ителә.

Бу хакта Татарстан Премьер-министры урынбасары, Милли Шура рәисе Васил Шәйхразыев Милли Шураның киңәйтелгән утырышында хәбәр итте. Россия төбәкләре һәм чит илләрдәге татарлар белән Zoom форматында бу шундый беренче очрашу. Анда барлыгы 360 га якын татар оешмалары җитәкчеләре катнашты.

Дәвамы: http://tatar-congress.org/yanalyklar/2021-nche-el-tatar-millete-berdemle...

Шәйхразиев Башкортстан татарларын Мөслимгә җыеп стратегияне аңлатты.

Милли шура рәисе Васил Шәйхразиев Башкортстанның татар оешмалары активистлары белән очрашты. Анда Уфадан һәм республиканың район һәм шәһәрләреннән җитмешкә якын кеше катнашты. Җыен Татарстанның Башкортстан белән чиктәш Мөслим районында узды. Дөнья татар конгрессы сайты язуынча, очрашуның төп максаты – җәмәгатьчелекне стратегия белән таныштыру. Әлеге стратегия чарада катнашучыларга таратылды.

Дәвамы: https://www.azatliq.org/a/30982644.html

Татарстан мөфтияте әзерләгән Коръәннең мәгънәви тәрҗемәсе Уфада тәкъдим ителде.

27 ноябрьдә Уфа шәһәрендә Татарстан Республикасы мөселманнарының Диния Нәзарәте әзерләп бастырган “Кәлам Шәриф. Мәгънәви тәрҗемә” хезмәтен тәкъдим итү чарасы узды. Шушы максаттан Уфаның “Ихлас” мәчетенең мәхәллә җыены рәисе Мөхәммәт хәзрәт Галләмов һәм “Ихлас” мәчете имам-хатыйбы Альфред хәзрәт Дәүләтшин чакыруы буенча Татарстан мөфтие Камил хәзрәт Сәмигуллин Башкортстанга рәсми эш сәфәре белән килде. Бүгенге татар дин әһелләре арасында көтелгән һәм абруй казанган “Кәлам Шәриф. Мәгънәви тәрҗемә” басмасы презентациясе шунда ук - Уфа шәһәренең “Ихлас” мәчетендә узды.

Татар иҗтимагый оешмаларының Координацион советы утырышы.

25 ноябрь көнне Татарстан Республикасының Башкортстандагы даими вәкиллегендә республикабызда эшләп килгән татар иҗтимагый оешмаларының Координацион советы утырышы узды.

Утырыш барышында 2021 елга чаралар планын төзү, шулай ук Башкортстан Республикасында татар иҗтимагый оешмаларының дәүләт хакимияте органнары һәм җәмәгатьчелек белән үзара хезмәттәшлеге хакында сөйләшенелде.
Әлеге утырышта Башкортстан татарлары конгрессы җитәкчесе Заһир Хакимов катнашты.

Страницы

Подписка на ТАТАРЫ БАШКОРТОСТАНА RSS