УЛ МИЛЛӘТЕБЕЗГӘ ИГЕЛЕКЛЕ ХЕЗМӘТ ИТӘ
6 апрель көнне, Уфа шәһәре Киров районы мөселманнары “Ихлас” мәхәлләсенең Хакка хезмәт юлына 25 ел һәм Мөхәммәт хәзрәт Галләмнең 70 яшьлек юбилее уңаеннан тантаналы чара узды.
Мөхәммәт Мостафа улы – милләтәшләребез тарафыннан олуг ихтирам-хөрмәткә лаеклы һәм үрнәк булучы шәхес. Күркәм юбилейлы туган көне кичәсендә аны “Башкортстан татарлары конгрессы” төбәк иҗтимагый оешмасының Башкарма комитеты рәисе Заһир Әхсән улы Хакимов та тәбрикләп үтте. Үз чыгышында ул аның татар халкы алдындагы зур хезмәтен ассызыклап “Башкортстан татарлары конгрессы”, Дәүләт Думасы депутаты Рәхмәт хатлары һәм истәлекле бүләк тапшырды.
