Бүген Казан шәһәрендә II Халыкара “Җәлил укулары” бәйгесенең финалы узачак. Герой-шагыйрьнең ижади мирасын популярлаштыруга үз өлешен керткән яшь талантлар «М.Җәлил шигырьләре татар телендә», «М.Җәлил шигырьләре рус телендә», «Яшь җәлилчеләр», «Җәлил турында», «М.Җәлил дөнья телләрендә» номинацияләрендә көч сынаштылар. Иң-иңнәре финалга узды.
Финалга үткәннәр арасында Башкортостан Республикасыннан Кушнаренко районы Илек урта мәктәбеннән 8 сыйныф укучысы - Гыйляҗева Азалия, укытучысы - Вәлиева Зөлфия Дагий кызы. Благовещенск шәһәреннән Вафина Ралина, 6 яшь, балалар бакчасында тәрбияләнүче. Зур уңышлар сезгә!
