27 февраль көнне «Уфа «Нур» татар дәүләт театрында Башкортстан Башлыгы Радий Хабиров җирлектәге татар җәмәгатьчелеге вәкилләре белән очрашты

Һәр милли тел, һәр халык — дәүләтнең кабатланмас бер бизәге, чәчәге ул. Шуның өчен милләтара мөнәсәбәтләр һәрвакыт хөкүмәтебезнең игътибар үзәгендә булган һәм булачак.

27 февраль көнне «Уфа «Нур» татар дәүләт театрында Башкортстан Башлыгы Радий Хабиров җирлектәге татар җәмәгатьчелеге вәкилләре белән очрашты. «Миллионга якын татар яшәгән Башкортстанда татар мәдәниятен, телен, гасырлар буе яшәп килгән гореф-гадәтләрен үстерү өчен күп эшләр башкарыла» – диде Радий Фәрит улы Башкортстан Республикасы татар җәмәгатьчелеге вәкилләре белән узган очрашуда.

Хәйрия концерты

Ватанны саклаучылар көне алдыннан Туймазы районы Гафур авылында районның үзешчән артистлары тарафыннан әзерләнгән хәйрия концерты узды. Әйтергә кирәк, махсус хәрби операция зонасында хезмәт иткән якташларга ярдәм итү максатыннан оештырылган бу беренче генә чара түгел. Изге башлангычка нигез салучылар - Илчембәт авылында яшәүче тынгысыз Шәриповлар гаиләсе.

Уртак эш өчен!

Нефтекама Милли- мәдәни Үзәк тарафыннан бик күп файдалы эшләр, патриотик акциялар үткәрелә.
Ватанны яклаучылар көне алдыннан, Милли Үзәкнең активистлары хәрби операция солдатларына җибәрергә тукмач кисте.
Бу изге эштә катнашкан барлык хатын- кызларга зур рәхмәтебезне җиткерәбез!

"Мәтәүбашым – гомер бишегем”

Менә шундый исем белән шагыйрә һәм журналист Зәйфә Салихованың яңа китабы дөнья күрде. Аның туган авылы Мәтәүбашта, авыл мәктәбендә, әлеге басмага арналган Китап бәйрәме узды.
Күп авылдашларын җыйган, кунаклар килгән чара бик җылы халәттә үтте. Автор басманың эчтәлеге, эшләнеше белән таныштырды, беренче китапны мәктәпкә бүләк итте.

Pages

Subscribe to Башкортстан татарлары RSS