Аны Рүзилә ЯКУПОВА җитәкли.
Клубның беренче утырышы 28 мартта узачак. Халыкның китапка, матур әдәбиятка омтылуы – шатлыклы хәл. Ә яшьләрне китап, әдәбиятка мәхәббәт берләштерүе – икеләтә шатлыклы. Уфадагы татар яшьләре үз башлангычлары белән Уфада китап сөючеләр клубы оештырды. Клубны Рүзилә ЯКУПОВА җитәкли. Аның беренче утырышы 28 мартта узачак.
Бу көнне Уфаның китап сөючеләр клубы Гадел Кутуйның “Тапшырылмаган хатлар” повесте буенча фикер алышу үткәрә һәм әдәбиятка битараф булмаганнарны үз янына чакыра.

Һөнәри осталыкка конкурс Башкортстан башкаласының 65нче һәм 84нче Татар гимназияләре базасында үтә.

“Татар теле һәм әдәбияты буенча ел укытучысы” һөнәри бәйгесендә республиканың Бәләбәй, Стәрлетамак, Нефтекама шәһәрләре, Әлшәй, Бишбүләк, Борай, Нуриман, Чакмагыш, Чишмә, Кырмыскалы, Дүртөйле, Тәтешле, Мәчетле, Краснокама, Балтач, Яңавыл районнары мәктәпләреннән 16 укытучы катнаша.

Эстафетаны тапшыру тантанасы Уфа «Нур» татар дәүләт театрында үтте. Бәйрәмгә килгән мөхтәрәм кунаклар бинага керү алдыннан Габдулла Тукай һәйкәленә бергәләп чәчәкәләр салдылар.
Бәйрәмне “Нур” театры артистлары ачып җибәрде. Чара официаль чыгышлар, Башкортстанның татар шагыйрьләре иҗаты белән танышу, “Нур” театры артистлары катнашлыгында күркәм концерт номерлары белән үрелеп барды.

Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев Уфада татар иҗтимагый оешмаларының җитәкчеләре белән очрашу уздырды. Көнүзәк мәсьәлә итеп оешмаларның эш планы үтәлүе алынды һәм җитәкчеләрне борчыган сораулар каралды. Шулай ук Башкортстандагы вәкиллекнең җитәкчесе Альфред Дәүләтшин оешмаларның гомум эш планы белән таныштырды. Чарада Башкортстан Республикасы татарлары конгрессы башкарма комитеты рәисе Заһир Ахсан улы Хәкимовта актив катнашты.