Башкортстан Республикасы татар хатын-кызларының "Сәхибҗамал" оешмасының Борай районы бүлекчәсен шагыйрә, язучы Рәфыйга Усманова җитәкли. Озак еллар дәвамында татар халкына фидакарь хезмәт куючы Рәфыйга Карам кызы җитәкчелегендә Борай районы бүлекчәсе оешманың иң актив эшләүчеләренең берсе булып тора.
Мәчетле районында Төп чыршы янында гадәти булмаган бәйрәм - кышкы Сабантуй оештырылды.
Бәйрәмнең бурычы һәм максаты - район халкын берләштерү, дуслаштыру, халыкның ялын файдалы, мәгънәле һәм кызыклы итеп оештыру.
“Демский” мәдәният һәм ял паркында Дим бистәсе хакимияте, татар Конгрессы, Башкортлар Корылтае, «Сәхибҗамал» татар хатын-кызлары оешмалары ярдәмендә Яңа елга багышланган бәйрәм узды. Башкортстан татарлары конгрессының Башкарма комитеты идарәсе әгъзасы Рәмилә Әмир кызы Әхмәтова, алып баручы Карсылуыбыз -Ләйсән Хәкимова, тамашага нур өстәп торучы Зөһрә Вәрис кызы Кинҗәбаева һәм ике сандугач – Резида Мөхәммәтҗәнова белән Резида Сабитова бу мизгелләрне тылсымга күмеп, тарихта калдырды.
Башкортстан Башлыгы Радий Хәбиров бер төркем хезмәт алдынгыларына Русия һәм Башкортстанның дәүләт бүләкләрен тапшырды. Шулар арасында Башкортстан татарлары конгрессының Башкарма комитеты идарәсе әгъзасы, Русия Үзәк Диния нәзарәте рәисе, Баш мөфти ярдәмчесе, Салават шәһәренең “Әннәби” мәчете мөфтие Рәмил Равил улы Насыйров та бар. Рәмил Равил улы халыкка рухи-әхлакый тәрбия бирүдә, үсеп килүче буынны тәрбияләү эшенә зур өлеш керткәне һәм дини юнәлештәге актив эшчәнлеге өчен Халыклар Дуслыгы ордены белән бүләкләнде.
