Мәчетле районының бик күп авылларында кышны озату бәйрәме утте. Ул иң күңелле, бала-чага һәм олыларның да көтеп алган бәйрәме. Халыкның сайлау чорында ялын оештыруда районның хатын-кызлар оешмалары, «Ак калфак»лар, фольклор төркемнәр, клуб, китапханә хезмәткәрләре зур активлык оешканлык курсәттеләр. Коргат авыл клубы алдында, «Хуш киләсен Нәүруз", Әләгәздә коймак бәйрәме, Яңа Мөслим, Әжекэй авылларында кышны озату узды. Кунел кутәрердәй җыр-биюләр, уеннар, төрле бәйгеләр кызу барды. Халык рәхәтләнеп кунел ачты. Әлбәттә самавыр чәе, майлы коймактан бәйрәмгә килуче һәр кунак авыз итте.

Сайлауга килүчеләр бер-берсенә " Безнең участокта күңелле!" дигән язу белән фото, смслар җибәрә. Чыннан да сайлау участокларына халык милли киемнәрдән, гармуннар белән килә. Менә 12нче санлы мәктәптә урнашкан сайлау участогында " Яшь йөрәкләр" фольклор ансамбле" халыкны фойедан ук җыр белән каршы ала.

Әлеге чарага рәссам Рива Галләмова һәм “Кызыл таң” гәзите хәбәрчесе Зөһрә Исламова чакырулы иде.

Мәчетле районы «Ак инәйләр» оешмасының елга йомгак ясау җыелышы булып утте. Оешманың җитәкчесе район музее директор урынбасары Нәзирә Әхкәмова 8нче март уңае белән Яңа Мөслим, Олы Ока, Абдулла авылларыннан «Ак калфак»ларны да тәҗрибә уртаклашыр өчен бәйрәм чәенә чакырды. Җыелышның төп максаты мәктәп яшендәге балалар белан төрле чаралар үткәреп, буыннан-буынга килгән гөреф-гадәтләрне, милли уеннарны өйрәтеп, телне саклап калу. Шунда ук хәрбиләргә бугенге көндә бик тә кирәкле оберёг (бөти) эшләргә өйрәну буенча мастер-классны Ильзида Сөнәгәтова үткәрде.