Кырмыскалы районының Кабак авыл биләмәсе хакимияте, мәдәният йорты коллективлары, хатын-кызлар советы һәм “Ак калфак” татар хатын-кызлары иҗтимагый оешмасының урындагы бүлекчәсе әгъзалары махсус хәрби операциядә катнашучыларга ярдәм йөзеннән "Тизрәк әйләнеп кайтыгыз!” дигән хәйрия акциясе оештырды.
Илебез өчен авыр вакытларда беркем дә читтә калмый. Кем – җылы сүз, кем – җылы киемнәр, кем акчалата булыша. Егетләребез еракта да туган өй җылысын тойсыннар өчен хатын-кызлар үз өлешен кертергә тырыша – җылы оекбаш-бияләй бәйлиләр, милли ризыклар әзерлиләр.

Гыйнвар аенда татар теле укытучылары мәгариф системасының иң актуаль сораулары турында сөйләшү өчен очраштылар.
Методик берләшмәнең эше белем бирү сыйфатын, Инновацияләрнең нәтиҗәлелеген күмәк эзләү һәм тикшерү, педагогик эшчәнлекнең иң яхшы традицион һәм яңа үрнәкләрен эшкәртү һәм гамәлгә кертү, үзара һөнәри аралашу, тәҗрибә алмашу, белем бирү эшчәнлеге нәтиҗәләрен бәяләүгә карата бердәм алымнар, критерийлар, нормалар һәм таләпләр уйлап табуга юнәлтелгән иде.

Уфада туган (татар, чуваш, мари, удмурт) телләр һәм әдәбиятлар буенча республика олимпиадасы җиңүчеләре һәм призерлары бүләкләнде.

88 яшендә Башкортстанның элеккеге президенты Мортаза Рәхимов вафат булды. Соңгы көннәрдә ул Уфада сугыш ветераннары госпиталендә булган.

- Мортаза Гобәйдулла улы вафат булды. Башкорт халкының бөек улы каршында башыбызны иябез, ул үзен тулысынча Русия һәм Башкортстан халкына хезмәт итүгә багышлады.

Хушыгыз, хөрмәтле Мортаза Гобәйдулла улы, - дип язды үзенең телеграмм-каналында республика Башлыгы Радий Хәбиров.

Фото: agideljurn.ru