Бүген Бөтендөнья татар конгрессының Башкортстандагы даими вәкиллеге офисында әһәмиятле “түгәрәк өстәл” үтте. Татарстан Язучылар берлеге рәисе Ркаил Зәйдулла, язучылар Рәфис Корбан, Булат Ибраһим, Бөтендөнья татар конгрессы вәкиле Марс Тукаев Башкортстанда татар телендә иҗат итүчеләр белән очрашты.
Ркаил Зәйдулла билгеләвенчә, ике республика арасындагы дуслыкны, иҗади элемтәләрне ныгыту мөһим.

Көннең шактый салкын булуына карамастан, Кырмыскалы районының Олыкүл авылындагы “Зөләйха” мәдрәсәсенә олылар да, балалар да ашкынып килде – биредә балалар арасында Коръән укучылар бәйгесе узды.

2023 елның гыйнвар ае чараларга бай булмакчы. Башкортстан татарлары конгрессының урындагы бүлекчәләре эш планына төрле юнәлештәге чаралар кертелгән: билгеле шәхесләребезнең иҗатына багышланган китап күргәзмәләре, конференцияләр узачак, шулай ук иҗат кичәләре, очрашулар, конкурслар бер-берсен алыштырып торачак.

Башкортстан татарлары конгрессының Уфа шәһәре бүлекчәсе яңа елны күркәм чара белән башлап җибәрде.
Ачык һавада, кар һәм боздан ясалган фигуралар белән бизәлгән, купшы чыршы утырган мәйданда – Дим бистәсенең Мәдәният һәм ял паркында балалар да, өлкәннәр дә бәйрәмчә ял итте.
“Яңа ел дусларын җыя” бәйрәмен хакимият белән берлектә Башкортстан татарларны конгрессы Башкарма комитеты әгъзәсе Рәмилә Әмир кызы Әхтәмова оештырды.